Tamin'ny taona 2021, 7% monja, ireo vehivavy voafidy ho mpanolon-tsaina handrafitra ny filan-kevitry ny kaominina, raha 5% monja ny voafidy ho ben'ny tanàna. Taratra araka izany fa mbola vitsy ireo vehivavy amin’ny sehatra fanapahan-kevitra. Hita fa mbola tena ambany ny tahan’ny fandraisan’ny vehivavy anjara amin’ny fiainam-pirenena eto Madagasikara. Noho izany ilaina maika ny fanamafisana ny fandraisan'anjaran'ny vehivavy, tsy ny hiantohana ny miralenta ihany, fa ny fironana amin’ny fitantanana mampiaty bebe kokoa  .

Ao anatin’ny fanatontosana ny tetikasa Mahasaky Women & Youth, ny EISA, dia manao izao fakan-kevitra izao hahafantarana ny fandraisana anjara ara-politikan’ny vehivavy, ireo filàny sy ireo mety ho soso-kevitra hanatsarana izany.